宋慧喬偷步抵港搵黎明谷劇

由韓星宋慧喬及宋仲基主演的韓劇《太陽的後裔》近日熱播，「金句王」黎明雖在《東網巨星》節目《黎明話你知》透露自己唔煲韓劇，但原來黎明亦有留意《太》劇，昨日黎明以「首次為你介紹」為題在Facebook上載短片，片中他說：「一定要睇一樣嘢就係《太陽的後裔》，好好睇，好感動，抹眼淚。」隨後宋慧喬突然出現在黎明身邊，更舉V及豎拇指，齊齊力Sell該劇。兩位老友難得在港相聚見面，宋慧喬亦在Instagram上載和黎明看着手機時的相片，留言指他們相識差不多十年，更以忠誠的兄弟及朋友來形容黎明。