謝安琪嫌老公送錯禮物
天后謝安琪（Kay）前晚與組合C AllStar出席環保熄燈活動，第八年參與活動的Kay表示早幾年開始跟老公張繼聰已減少儲東西，囝囝的玩具在玩完後亦會捐出去。講到日前她39歲生日叫老公送兩個環保麵包袋，她謂：「因為我投訴過佢送(口既)嘢唔啱使，有年我叫佢送部相機，我只想用嚟同朋友自拍，以為佢會送自拍神器，點知佢送咗部單反同腳架畀我，諗錯晒，所以今年就套我口風，個袋要上網鬥快搶，畀佢搶到好感動。」
Kay亦表示生日跟老公執屋慶祝：「嗰日佢本身以為同我着靚靚去街，但我話想留喺屋企執屋，所以就一齊執，未試過都幾warm。」而講到環保心得，C AllStar表示曾交換衣服穿，亦謂有套戰衣是由出道穿到現在，足足穿了五年。