伍詠薇18歲初夜回味「失身骨」
藝人伍詠薇（伍姑娘）為有線獻出她的第一次，接拍飲食節目《伍姑娘真識食》，當中的「識食」字眼，伍姑娘稱當然包括眼睛都要食好嘢，所以她於節目中將請來城中名人包括拳手、賽車手、運動員等靚仔嘉賓訪談；而每集更有一道菜式介紹，向來言論開放的伍姑娘，更自爆18歲時，阿媽教煮蒸排骨供她去學校宿營時品嘗，但其實她只是與第一個男友去過夜，因此將這個排骨命名為「失身骨」，她更笑指：「呢啲嘢大家明O架啦！對我嚟講好難忘。（初戀維持幾耐？）都拍咗一年拖！」
下廚嗌離婚
向來不掩飾愛睇靚仔的伍姑娘，今次在新節目中，對靚仔嘉賓會進行大膽訪談：「太普通嘅嘢，當然唔會問啦！譬如我面對住賽車手，除咗問佢鍾意食咩外，我會問佢成日畀女圍會點應付？試過揸車攬住我未吖？呢類有趣啲嘅問題囉！」其實講到眼睛吃冰淇淋，伍姑娘稱只是識睇識食但唔識煮，又透露剛與老公練海棠認識時，對方曾問她會否下廚？當時她耍晒手：「我講笑話會離婚O架！可以想像我有幾唔鍾意，但今次可說服到我接演，個形式對我嚟講係一項挑戰，相信節目出嚟感覺幾浪漫！」
有線日前特別請來男子組合「天堂鳥」和「Gentleman」與伍姑娘為節目拍序幕，高層曾展章前來探班，而被大班「小鮮肉」包圍的伍姑娘分外醒神，並以透視裝上陣。
文：影視組