吳雨霏性感現身仆住行善
歌手吳雨霏（Kary）前晚出席東華三院主辦的慈善音樂會，與草蜢、周柏豪及吳業坤等任表演嘉賓。Kary以Deep V背心襯外套性感現身，不過腳踏六吋高踭鞋的她到場外接受訪問時，因地面不平而仆倒跪在地上，其後她又再失足險再仆。Kary未有受傷，並笑言穿了六吋高踭鞋，為慈善「仆到嚟」。而近日香港天氣時冷時熱，令她身體不適影響聲線：「我病咗兩個月，發燒、流鼻水樣樣中晒，知道今日要表演都有小心啲。」
缺席Miki婚前派對
提到好姊妹楊愛瑾（Miki）早前與鄧麗欣及區文詩等去泰國旅行獨欠Kary，她稱因工作在身缺席：「呢個已經係bridal shower（新娘婚前派對），但我錯過咗，冇辦法，太多工作要做。」問到Miki是否效法她海外結婚？她說：「我唔知呀，你問佢啦，我呢啲好口密。」
至於柏豪表示為了這次演出而再練打太鼓，卻不慎令膊頭受傷：「左邊膊頭痛，因為練習嘅時候太盡力去打，就拉傷咗，惟有頂硬上。」
文：音樂組