秋生忙拍劇不忘撲水
黃秋生昨日現身無綫電視城，為客串的處境劇《八時入席》試造型，他說：「我讀完演藝，初初入無綫都演過處境劇，嗰陣好多謝監製潘嘉德肯用我，之後杜琪峯睇到我演出，就搵咗我去演電視電影。（今次只客串兩集？）兩、三集，演番黃秋生，但我覺得劇本寫到唔係好似我自己，我會同毛舜筠做對手戲，黎耀祥同陳國邦就暫時冇對手戲。」
對於劉家豪及梅小青重返無綫，秋生說：「我同劉家豪唔止喺《他來自江湖》合作過，我識佢哋好耐，喺亞視已經識。（無綫加強戲劇製作，會多啲返嚟拍劇？）睇情況，過去兩年我都賦閒在家，畀啲時間我搵啲錢先啦！」