古天樂短而勁青雲鞭長莫及
劉青雲、古天樂及彭于晏（Eddie）三大型男合演民初動作片，昨日記者會上「槍手」古仔面對手持兩米長鐵鞭的青雲，竟自誇「短小精悍」！造型滿臉鬍鬚的Eddie則自誇皮膚好，引得滿堂起哄。
本屆「香港國際影視展」昨日揭開序幕，劉青雲、古天樂、彭于晏（Eddie）及吳廷燁、江疏影、洪金寶等為寰宇電影《危城》站台宣傳，並舉行記者會，場面熱鬧，而電影初定6月上映。大會安排三位主角分別手執戲中道具武器擺甫士拍照，主持區永權向「槍手」古仔問：「青雲同Eddie武器都咁大支，擔唔擔心被搶鏡？」古仔「有味」回答：「我短小精悍呀！我拍得最輕鬆，開槍就得，所以唔使點打。」區永權轉頭向青雲講起其「長鞭」，青雲也開玩笑謂：「呢個已經係公開秘密啦！」引得全場大笑。
加操打自己留痕
該片動作導演洪金寶大讚鮮有拍打戲的青雲表現出色，青雲連聲多謝，並說：「我去到外景場地練咗三、四日，練鐵鞭初期，佢哋係畀條膠鞭我試，同埋着晒pad保護，因為用真鞭會打到人『爆缸』！嗰時經常打到自己，雖然唔痛，但見到全身衣服都有打痕。」問到日後會否「再下一城」？青雲笑說：「冇諗喎！不過依家啲特技拍攝，好幫到演員自己做番啲動作。」扮演大奸角的古仔在旁笑說：「下次條鞭五米呀！唔知係咪我支槍太勁，拍咁耐都冇乜見過青雲條鞭！」
彭于晏變鬍鬚佬
至於Eddie則犧牲一張俊臉，角色造型貼滿鬍鬚，加上拍攝時天氣很熱，令他非常辛苦，不過能與青雲及古仔合作，令他獲益良多。問到有否出現皮膚過敏？他搞笑說：「我的皮膚不爭氣，狀態非常好，所以不能要求休息。」
文：影視組