張繼聰拍Bob要笑到甩轆

藝人張繼聰、林盛斌（Bob）、導演葉念琛以及白只等昨日出席影視展活動，宣傳太陽娛樂電影《毒L神探》及《今晚打喪屍》等多部作品。近年阿聰及Bob在娛圈產量很多，影視作品都有，今次阿聰更一躍同時擔正《毒》、《喪》二片主角，就連在旁的Bob都抬舉謂：「講玩晒一定係張繼聰。」阿聰卻未言驕傲，自嘲希望趁Bob忙碌之時，分晚宴主持市場一杯羹！Bob亦希望與阿聰合作電影時能重拾拍劇的火花：「嗰時拍劇我哋都令啲工作人員嗌救命，好多自己idea，笑到佢哋甩晒轆。」