何佩瑜峇里度假靚景陪開餐
藝人何佩瑜（Jeana）早前到峇里旅遊，當然不會錯過品嘗美食的機會，她更力推一間名為Potato Head的餐廳，指在當地十分有名，更是遊客必到之處：「間餐廳布置得好靚，食物都好好味，最出名係牛扒同漢堡包，同埋餐廳仲有好多特色嘅cocktail，食住漢堡包配一杯cocktail，真係好正！」
Jeana表示餐廳的另一個特別之處，就是有沙灘及泳池全天候開放，客人換件比堅尼就可以跳入海灘或泳池，泳池旁亦有酒吧區，十分寫意，她續說：「我嗰日下晝三點幾去，諗住訂夜晚食飯，點知原來間餐廳冇得預訂，好可惜，我三點去到已經冇晒近沙灘嘅靚位，下次再去一定要早啲霸個靚位，嗰度有DJ打碟，游完水就上岸食嘢飲嘢，抖一陣又再游過，環境又優美，真係好難忘呀！」
