泳兒搵同鄉撞樣拍MV
歌手泳兒為新歌《四不像》拍MV，特別找來三個跟她被指是「撞樣」的圈中朋友一齊演出，他們分別是許愿、許靖韻及主播容羨媛，泳兒笑說：「出道至今由聲線到外形都被人話同其他人好似，鬧過唔少笑料，咁我咪趁今次新歌歌名叫《四不像》玩食字，搵咗四個被大家話同我好似嘅人合作，個畫面幾有趣！」他們四人一齊咪嘴演繹歌曲，泳兒表現興奮笑說：「佢哋都係我同鄉嚟！就等大家評論吓我哋似唔似啦！」
愛犬都似樣
今次泳兒更得同門師弟陳家樂負責為其MV掌鏡執導，為表感激，拍攝當日泳兒一早到場打點，負責充當友誼小姐照顧每位嘉賓，她笑說：「大家打招呼嘅開場都別開生面，好似相隔多年嘅兄弟姊妹終於相認咁，大家又『家姐』、『阿妹』咁叫，真係好好笑，在場工作人員話好似去咗影樓影一家人家庭照咁。」最搞笑MV片尾，泳兒愛犬辣妹都有粉墨登場，更有不少朋友話霎眼睇她們確實有點像，非常爆笑。文：音樂組
