林奕匡想女友陪打機
歌手林奕匡（Phil）昨日與師妹葉巧琳（Mischa）出席電子產品店的開幕，同是音樂人的兩人對耳機要求相當高，其中Phil所用價值五、六千的耳機更是由公司所贈：「耳機嘅隔音功能好重要，以前用啲冇咁靚嘅耳機喺街聽歌，要聽到細微位就要較到好大聲，其實好傷耳。」
兩人又即場試玩真實版賽車遊戲機，玩到愛不釋手的Phil表示平日已經好喜歡玩賽車遊戲，可喜歡一個會陪自己打機的女友？他笑言：「係男仔有女朋友都開心o架啦，不過大家有共同興趣就當然好。」Mischa就自爆家中有三部電視遊戲機，最愛玩RPG遊戲：「一玩就會變宅女宅喺屋企一星期，有時見到啲新Game真係唔敢買嚟玩，一玩就不能自拔。」