卓韻芝收粉絲求助信
藝人卓韻芝眼見最近發生多宗自殺案件，遂以過來人身份親撰當年因母親病逝而服藥自殺的文章，藉此勸諫大家別放棄生命，阿芝昨日表示早在幾年前的棟篤笑《死去活來》，已將自殺事件談論過，她說：「唔係咩新鮮事，只係近排見到好多人有放棄生命嘅念頭，好想寫啲嘢畀佢哋，生命係好難得嘅，做人都OK正，唔好咁輕易放棄。」
阿芝坦言過去也收過粉絲的求助信件，她說：「或者佢唔係想得到我幫助，可能佢想吐苦水，將佢心裏面唔開心感覺講出嚟。」她從信中感覺到對方的孤獨，所以她覺得身邊人的幫助很重要，或可改寫結局，而她亦不斷身體力行說：「因為我真係覺得笑聲係我生活裏面好好工具，我選擇咗用呢種工具去過我嘅人生，所以不停去棟篤笑。」提到昨午再有人跳樓輕生，她說：「或者我寫嘅呢篇文都唔係畀最絕望嘅人睇，而係被佢哋身邊嘅人睇到，然後去問候吓你身邊嗰個好似呢排成日唔出聲嘅朋友、同學或屋企人。」