伊健扮睇掌唔敢望半裸周秀娜
藝人周秀娜（Chrissie）及鄭伊健等前晚現身旺角，為電影《iGirl夢情人》謝票。提到Chrissie於戲中的半裸戲份，伊健大爆是導演劉偉強向該片導演闞家偉建議重拍：「本身冇o架，係劉偉強睇完剪片後，話（機械人出場）呢幕『佢一定要唔着衫』！」伊健笑稱當時面對半裸的周秀娜，惟有扮睇掌分散注意力。
問到Chrissie重拍該幕有否感尷尬？她笑言：「ok嘅，導演尷尬啲。（說服咗你好耐？）有考慮，佢哋剪晒片後發覺有需要。」談到她於導演會上遇到劉偉強時，有否請對方為自己開戲？Chrissie笑言希望有機會與劉偉強合作。提到早前有傳與富二代相戀的Chrissie被指自製緋聞？她無奈避談：「你哋放過我啦，感情隨緣。」伊健則盛讚她為人有個性，易搵男友。