Chilam咀不停佗劍再娶靚靚

張智霖與袁詠儀結婚近15年仍恩愛如昔，去年兩人以天價約3,700萬港元接拍浙江衞視真人騷《一路上有你》，真情流露令觀眾大為感動。最近兩人再添食參演節目第二季，Chilam狂出冧招，首播一集就在老撾為太太舉行浪漫傳統的婚禮！

穿金戴銀閃到爆

兩人披上當地傳統禮服，靚靚頭插鮮花，手戴金鈪和金戒指，化上淡妝的她獲讚端莊賢淑。至於Chilam亦戴上金頸鏈及金吊墜，因老撾人愛戴金飾結婚，新郎更要配上一把純銀及鑲有寶石的長劍。Chilam亦入鄉隨俗佗劍娶妻，又金又銀閃到爆！Chilam與靚靚當年結婚時未有舉行盛大婚禮，亦冇影婚紗相，因此分外珍惜節目安排。兩人並排跪坐在當地證婚人面前接受祝福，Chilam更出手輕托靚靚粉臉獻吻，靚靚亦嘟嘴錫錫老公！有網友大讚靚靚明艷照人：「比穿婚紗更美，果然沉浸在愛中的女人最美麗！」

靚靚嘟起嘴仔錫錫老公，恩愛到痹。

Chilam與蔡雪瑩昨日為劉心悠（中）提早慶生。

愛駒病愈再出賽

此外，Chilam、劉心悠及前新聞主播蔡雪瑩，昨日為品牌拍廣告。他透露以前的愛駒「愛將」因腳患退役，送往澳洲安享晚年：「點知佢返到去慢慢好番，又再出賽跑第一，真係神馬。（會再養馬？）冇，好傷心，係緣分，有機會先再抽啦！」

而獲大會預祝四月一日生日的心悠，透露將為劉詩詩20日峇里的婚禮任伴娘，笑言高跟鞋會減低接花球的戰鬥力，屆時或會試吓赤腳。而穿三吋高跟鞋的蔡雪瑩被傳有喜結婚，對此她似有難言之隱，只透露正籌備婚禮今年結婚。

文：影視組