爆春風滿面 蕭正楠未睇真阿嫂

有份演出《幕後玩家》的蕭正楠（Edwin）與女友黃翠如昨日拍拖開工，提到同劇的黃宗澤被本報踢爆新戀情，翠如指兩人對手戲不多，故全不知情。問到Edwin有否覺得好兄弟近日開工時春風滿面？他說：「佢一入劇組就咁開心，因為戲入面都係拍三兄弟開心嘅戲，但我一陣都同佢八吓先。（有冇同你講感情事？）好少提起！（佢鍾意日模喎，襯唔襯？）睇過幾張相，但睇唔清楚個樣囉！」