英國人氣男子組合One Direction（1D）成員Niall Horan，自組合暫停工作後，先被影到「大叔Look」睇網球賽，大前晚與友人於洛杉磯夜蒲後，更於停車場隨地小便，型男形象破滅！
1D停工後各有各忙，除成員Harry Style準備推出單飛作外，Louis Tomlinson亦榮升做人父，專心湊仔。有報道指今年22歲Niall有意轉行，更正籌備設立高爾夫球代理公司殺入體育界，而他亦不時現身高爾夫球賽及網球賽，為創業做好準備。不過早前Niall睇波時就被影到「四眼Look」現身，除了遭歌迷指他突然衰老走晒樣外，更慘被嘲笑似人到中年！大前晚Niall與友人現身洛杉磯著名夜店，回復一身型格打扮的他除了與友人一邊行一邊玩外，及後又與一眾熱褲女生同行，成個人青春晒！不過離開夜店時，人有三急的Niall趕不及去廁所，竟於停車場的角落即場「解決」，雖然事前Niall四圍觀察附近有沒有記者，但仍被影到隨地小便的一刻。
而Niall的隊友、剛與女歌手Cheryl Fernandez-Versini承認戀情的Liam Payne，有指他隨時獲邀參加歌唱比賽節目《X Factor》英國版，與Cheryl孖住做評判，以挽救節目收視。雖然節目睇好二人戀情可令節目起死回生，不過有指Cheryl母親就唔睇好戀情，更不支持二人拍拖。
文：外娛組