細仔拍拖馬詩慧作性教育
名模馬詩慧（Janet）與型男王敏德的孻仔王躍穎（Kadin）於instagram上載攬女相，並留言：「Thanks for coming（謝謝你來）」，變相宣告戀情。現年只有16歲的Kadin長得高頭大馬，早前為胞姊王曼喜創立的服裝品牌為慈善行騷，其女友Mimi專程前來撐場。而Mimi平日愛將靚相上網與友分享，當中不乏比堅尼和背心熱褲，大騷好身材。
昨日馬詩慧被問到兒子初戀？她回覆：「朋友啫！（見過Mimi未？）見過，（佢哋點識？）我仔讀男校，佢識啲國際學校嘅朋友，藤連瓜，瓜連藤咁識，正常識吓女仔啫，唔好問咁詳細啦，又唔係娶新抱。」問她可有給Kadin教育性知識時，一向快人快語的Janet直言：「有講少少，學校都一早有教，老竇都有同佢講。」
