邱美薇雨夜傾情邂逅泰國主音

邱美薇笑言常被誤會是泰妹。

事緣當時正值泰國水燈節，Chelffy到河邊寺廟參觀，但之後竟下大雨，令她截不到的士返酒店，只好隨便走入一間餐廳避雨，更因而認識餐廳老闆：「我見到佢哋雪櫃有手工啤酒，就多口問佢原來泰國都興手工啤酒，跟住我哋開始吹水，傾傾吓先知原來佢係當地著名樂隊Zeal嘅主音歌手Pex，間嘢係佢同隊友開。」她亦表示兩人十分投契，更交換聯絡方法，可惜她拒絕異地戀：「其實泰仔都幾細心同好健談，不過溝通上對方始終英文有限，我又唔識泰文。」不過她亦笑言應叫對方寫首泰文歌給自己，以幫助自己在泰國發展或當娛樂大家。

• 邱美薇邂逅泰國樂隊Zeal的主音Pex（右）。