JW畀老竇呃硬o趙田雞腳

觀眾有食神喇！《東網電視》節目《娛樂onShow》今集請來歌手JW（王灝兒）、女攝影師小雲與最近轉行賣生煎包的前男子組合Bliss成員蕭潤邦（Oscar），與主持人俞詠文（Angela）大談食經！

笑言「西餐、中餐、日本餐咩都食」的JW，唯一一樣不能放入口的就是田雞，還自爆兒時被父親「呃食田雞」而留下陰影：「我以前嫲嫲煲咗田雞飯，我以為田雞即係雞，當時爸爸畀咗隻『雞』腳我，食落覺得好奇怪，問爸爸田雞英文係咩，佢話係類似Frog，我聽完係完全接受唔到係青蛙！我好怕青蛙！」

Oscar（左起）、小雲、JW與主持Angela邊歎美食邊談食經。

小雲（左）由BB開始已「戒」食生果，假嘢反而會食！

小雲未嘗一果

一山還有一山高，小雲原來仲誇張，由手抱嬰兒開始便揀飲擇食，從小未食過水果，她說：「我手抱BB嗰陣已經唔食，會吐出嚟！」令眾人大吃一驚，JW即問：「咁你飲過果汁未？」小雲笑指：「假嘅我會飲，好似檸檬茶咁！Pizza如果有菠蘿，我都會唔食。」至於Oscar最近的生煎包店成績非常理想，短期內開了多間分店，贏得「生煎王」的美譽！如果想知更多，請Click入《東網電視》收睇《娛樂onShow》！

文：專案組

場地：金頤小館