陳婉婷俠女駕到有拳有勢

在剛過去的農曆新年，各式賀年食品傾巢而出，而陳婉婷亦趁機放縱自己，結果肥了五磅。將拍新劇的Hebe，為以最佳狀態示人，最近勤打泰拳望極速減磅：「打泰拳對消脂同練肌肉線條特別有幫助，所以最近都有打泰拳，再配合清淡飲食，希望喺拍新劇前減到磅。」

奉行健康減肥

Hebe為上鏡時身材更好看會勤做運動，她說：「我唔想面腫腫咁上鏡，但我唔主張唔健康嘅減肥方法，因為好傷身體，面凹晒又唔好睇。」

問愛運動的Hebe會否特別鍾情運動類型的男士？她表示：「都會加分o架，因為自己都想另一半鍾意運動，可以拍住拖做運動，幾sweet！」

泰拳師傅讚Hebe打得有板有眼。	為免受傷，Hebe練拳前做足熱身。	在劇集《刀下留人》中，Hebe（右）向邵美琪學習了很多演技上的知識。

為拍劇唔錫身

想不到外表斯文的Hebe，打泰拳時拳拳有力，連師傅亦大讚她打得有板有眼，原來Hebe恨做「打女」角色，一直有學打拳：「好想挑戰古裝劇嘅俠女角色，着古裝打功夫好有型。新劇終於可以試吓做打女，本身有底子，拍劇時會易上手得多。（怕唔怕整親？）冇得怕，為咗效果好冇得錫身，但我會小心啲，唔想家人擔心。」

文：力奇

場地：Legend Muay Thai Gym

教練：Sunny Ip