丁羽讚盧大偉意志力強

藝人盧大偉因重病仍於東區醫院留醫，其好友資深配音員丁羽昨日中午時分到達醫院探望，逗留一小時後離開，丁羽指盧大偉精神良好，更指他講爛gag，他說：「佢精神清醒，大家放心，我同佢以前都有合作，但範疇唔同，私底下經常見。（對比你上次見佢，佢精神點樣？）佢依家唔舒服，梗係爭少少，但人清醒嘅，意志力強，之前未入院，我去探佢，佢都有話唔使探佢，依家精神爭啲，講唔到嘢。（究竟佢講到爛gag定講唔到嘢？）講唔到，但同佢講嘢，佢都知嘅。」他又指如果有需要的話，演藝人協會都會做點事。而盧大偉太太則表示盧大偉吃流質食物，暫時醫生未有計劃做手術。