心穎挑戰味蕾秀文獲台男餵食

藝員黃心穎、張秀文、農夫、鄭裕玲等，昨日於將軍澳電視城出席節目《Do姐有問題》記者會，心穎與麥美恩等即場試食蠶蛹，花容失色大呼難食，心穎更說：「好難食，咬落脆卜卜，我諗我野外都求生唔到。」她更品嘗了「鼻屎味糖」，試畢即若有所思地表示：「應該唔係咁嘅味喎！」

十五級臭膏

為節目擔任嘉賓的心穎，透露在節目中品嘗了不少「特色」食物：「我就唔雜食，好專一，成年食同一樣嘢都得，好易養！」她透露在節目中品嘗了韓國大醬湯，笑言聞起來像臭襪，但品嘗起來味道不錯。

張秀文、農夫與鄭裕玲擔任節目主持，秀文透露到台灣拍攝節目，品嘗最臭的臭豆腐：「好難頂，佢個名叫『臭膏』，有15級臭，仲要係綠色，自己聞到都好想嘔，有台灣工作人員真係嘔咗！」秀文又透露在當地烤肉店接受男侍應特別服務：「有兩個男侍應哄到好埋咁餵我食嘢，搞到我都好尷尬！」

黃心穎試食蠶蛹等特色食品，挑戰味蕾極限。	張秀文在台灣曾接受男侍應餵食，令她大感尷尬。	鄭裕玲和農夫這老拍檔默契十足，繼續合作做主持。

口味難捉摸

而鄭裕玲則表示在節目中品嘗了不少美食：「鮑魚、花膠、龍蝦、參都有食，係點名唔食魚翅，最難食係『走難包』！」身旁的農夫聞言即笑說：「嘟姐啲口味好怪，蟲同臭魚都食，反而包就難食，好難觸摸！」

文：影視組