Bra辣吳若希被彈未夠Cup數

曾自稱擁有34B上圍的Jinny，昨日在網上「晒Bra」，將兩件「功能內衣」放在床單上拍照，喱士性感Bra Bra即時吸引網民討論，但大多數留言都取笑她「未夠Cup數」，更用不少抵死物品來形容Jinny的身材，如：「旺仔小饅頭」及「飛機場」等，有眼利的網民指相中的Bra Bra應有C Cup，並揶揄她說：「C罩杯、物以C為貴！」

事後刪相

對於網民的留言，Jinny透過電話回應：「哈哈哈……我冇睇喎！（話個Bra應該唔啱你Size？）呢個Bra係度身造，係唐貝詩送畀我嘅，所以非常啱身。」被譏諷「飛機場」的Jinny稱沒有不開心：「冇所謂，放得出嚟就任大家評論。」講到是否有34B？Jinny坦言：「係，冇變過，仲係呢個Cup數。」但訪問後Jinny不久便刪走Bra相，改放一張「追稅通知書」，事後她解釋因怕涉及廣告，不想煩到公司而刪相。問到欠交稅款？她笑言：「唔係，係啱啱交咗六位數嘅稅好肉赤。」

吳若希大方晒新Bra相。	「Bra后」周秀娜認為身材難以目測，有欠準確。	周秀娜自爆有追求者。

大未必佳

至於近年從商推出自家內衣的周秀娜幫口表示：「其實身材唔能夠目測，唔準嘅。佢（Jinny）嗰套係功能內衣，係好專業，一定Fit佢身。」問專業Bra后的她如何可着出「咪神」效果？她謂：「唔一定大就好，亦唔好只『升Cup』，揀合適內衣身材就會靚，總之唔係谷就得，有乜疑難就嚟搵我娜姐。」

此外，周秀娜日前被指與城中富二代拍拖，又傳她身家暴漲搬新屋等等， 昨日她為新片宣傳時就力稱單身，但承認有人追。她明言抗拒已婚男士：「我交朋友冇理人哋係咪富二代，（有人追？）有追求者，但都係朋友，而且已婚男士唔會成為對象，因為我抗拒。（有冇拍拖？）依家冇，未有適合同未開始發展，（緋聞）嚇走好多人。」

文：音樂組