曹永廉愈「乸」愈紅被拍檔寸招積
藝人黎耀祥（祥仔）、曹永廉和蕭正楠（Edwin）昨日出席劇集祝捷會，憑「乸型」角色人氣急升的曹永廉遭一眾兄弟「挖苦」，祥仔笑對方爆紅又貴又難度期，Edwin則揶揄曹永廉招積、推Job，場面爆笑！
黎耀祥（祥仔）、蕭正楠（Edwin）、曹永廉、陳國邦及胡定欣等，昨日於電視城出席無綫劇《公公出宮》祝捷會。該劇收視一直高企，深受觀眾歡迎，最高收視達33點。席間，無綫助理總經理杜之克更宣布，自2014年8月播映以來，《公》劇成為綜合收視之冠，平均29.4點，最高33.1點。
盼齊齊登台搵銀
飾演「乸型」公公的曹永廉人氣急升，兄弟們也不禁向他「挖苦」一番，祥仔笑稱該劇「群星拱照曹永廉」，當問到會否原班人馬再開拍新劇，祥仔表示甚有難度：「因為要搵新戲種、題材，佢哋依家個個都獨當一面，期都幾難度。」隨後，他又笑謂：「曹永廉依家又紅！」Edwin即插嘴道：「佢依家紅喇、招積喇！開始推Job！」四子又渴望一起登台搵真銀，祥仔直言已有工作洽談中，酬勞會否收貴點？曹永廉笑說：「我哋一定唔平o架喇。」語畢，祥仔再揶揄對方：「係曹永廉貴咋，我哋好平。」
談到未獲四子預登台，定欣笑道：「唔理啦，到時買四送一，我都會跟埋去。」是否希望原班人馬再合作？她認為可以暫時休息一下：「因為呢個班底拍咗三次，等公司編劇編審諗到新題材先再用呢個組合。」剛拍畢《一屋老友記》的定欣，緊接今日開拍《來自喵喵星的你》，對於拍檔田蕊妮的母親病逝，她說：「唔清楚情況，希望佢okay。」
陳庭欣感情穩定
同場的陳庭欣（Toby）傳搭上大律師唐偉倫，更激嬲對方模特兒女友Candice，與翟威廉傳足多年緋聞的Toby，被問到跟威廉現時的關係？她說：「同之前一樣，感情生活好穩定，冇改變，佢係好好好好嘅朋友關係。」她澄清跟唐偉倫乃好朋友，不知Candice是否其女友，又認為睇戲是普通朋友做的事，兩人沒任何親密行為，希望對方女友別誤會。對於被指上男方寓所過夜，她坦承跟大班朋友上過對方家開派對，但強調絕無「共度春宵」，皆因要回家服侍鸚鵡：「我每晚要返屋企幫雀仔按摩。」
文：影視組