羅仲謙為楊怡遮風擋雨

藝人羅仲謙（謙仔）與「女神」陳瀅昨日出席「《蝙蝠俠對超人：正義曙光》x 又一城powered by Hot Toys」揭幕禮，司儀要他倆選擇禮物送給另一半，羅仲謙選擇了雨傘送給女友楊怡，寓意為愛人遮風擋雨，而陳瀅就覺得禮物不夠貼心，幫謙仔再選擇多個咕o臣，可以當枕頭。

上網抄襲浪漫橋

問謙仔平日楊怡是否當他咕o臣般攬住？謙仔即說：「好難答，承你貴言。我送禮物畀佢一向有信心，唔啱都講到啱。（女友有冇送過禮物畀你，但你唔鍾意？）係心意，唔理平貴，實唔實用，一粒糖都好。（求婚唔使買戒指，買包糖？）唔得唔得，男性要嚴格自己，對人寬宏。」問到他想到如何求婚未？謙仔坦言自己不浪漫：「有心思嘅嘢都係請教人，上網抄。（抄咗咩求婚橋？）有睇過，有啲秘密在心中，要有驚喜。（好事近？）承你貴言。」

楊怡	陳瀅（左起）與華納兄弟高層李宛婷、又一城高層鄭翠珊及羅仲謙出席揭幕禮。	陳瀅揀個蝙蝠車咕(o臣)送給男友何猷亨的弟弟何猷君。

陳瀅冧男友細佬

至於穿上白色喱士透視連身裙的陳瀅，透露真空上陣，提到她選擇蝙蝠車咕o臣送給男友何猷亨細佬何猷君，陳瀅說：「聽阿君講話鍾意蝙蝠車，好有型，第時考到車牌一定會買一架真車。（猷君病了有否打電話慰問？）冇，like咗佢facebook張相。」問到何時結婚？陳瀅避而不談只說不回應，在旁的謙仔就幫口解圍說：「講承你貴言，好用！」陳瀅聞言說：「我喜歡講唔回應。」似乎有關男友的事她都好口密。

文：名人組