黃秋生：快啲完咗佢
1982年亞視演員訓練班學生黃秋生：「（亞視宣布停播。）遲早嘅事啦！（戥員工不值？點睇捱唔到4月1日？）冇得睇啦，冇水有乜得睇？快啲完咗佢啦！況且一雞死一雞鳴，好快有新電視台。（會否不捨？）冇，走嗰陣不知幾討厭！剩係好懷念好多人，例如羅樂林、金山、李亨、訓練班主任彭Sir，同埋班師兄弟。」
林敏驄：網上重搵節目
曾為亞視拍攝多個受歡迎節目的林敏驄：「唔緊要，我做過嘅節目，好似《開心字典》等網上都睇得番。（有冇舊朋友仲喺亞視做？）應該都冇乜。（問到他可有感到可惜？）我可惜咗好多年，但改善唔到。係天意，各有各努力！」
梁思浩：真的很心酸！
曾為亞視效力的藝人梁思浩，昨晚在微博發文：「一直看着亞洲電視清盤人記者會！明（今）天早上亞洲電視正式停止播放！一間超過五十幾年歷史的電視台，一份香港人的集體回憶，終於沒有了。原來一個X街老闆，最終把亞洲電視玩死了！真的很心酸的消息！」
徐小明：太過分！
前亞視製作人徐小明：「對於亞視停播，我真係好心痛！其實成件事可以好嚟好去，我曾經同啲行內人講，等到亞視4月1號嗰日，我哋義務幫佢哋做個Say GoodBye騷，可以一齊緬懷，點知搞成咁，真係好過分！」