無綫掟200萬打電視戰敏之坤坤「格」鬥搶金

新一輪電視大戰即將展開!無綫昨日宣布下月推出收費機頂盒「myTV SUPER」擴展版圖,但另一邊廂獲得免費電視牌照的ViuTV亦選擇於昨日宣布下月初開台,實行與無綫打對台!據知,myTV SUPER花以數百萬元計購入李英愛主演的韓劇《師任堂》壓陣外,還會推出創意節目,由藝人自拍短片在節目播放,點擊率最高的十位藝人將可瓜分200萬獎金。

無綫昨日在尖沙咀舉行記者會,宣布全新網絡平台「myTV SUPER」將於下月18日正式推出,觀眾可於本月15日開始率先體驗嶄新電視體驗!「myTV SUPER」共有20條頻道,提供高畫質與無縫重溫等功能,又會重金外購中、韓、台及日劇,為觀眾帶來嶄新體驗。無綫總經理鄭善強受訪時透露今次投資以億元計,估計兩、三年可回本。提到網絡電視競爭大,他坦言不擔心競爭:「我哋好有信心,相信可以帶畀觀眾新體驗,畫面又靚、操作又方便。(擔心影響無綫收視?)唔會!希望會有增加,或者收視會左袋去右袋,但冇蝕嘅。」

教整曲奇Vs免費任摸

據知,「myTV SUPER」將推出創新節目,任由藝人發揮創意,並加強藝人與觀眾互動及溝通渠道。節目以「格仔舖」形式讓藝人自拍短片,在節目中宣傳自己以博取觀眾點擊,全年統計點擊率最高的十位藝人將可瓜分200萬獎金!記者昨日致電陳敏之,她坦言已與公司傾過:「諗過可以喺條片度同啲師傅齊齊教人整曲奇餅,依家咁多觀眾鍾意睇飲食節目,但想有創意同得意啲。(有信心贏獎金?)嘩!吳業坤網上咁多Fans,但我有信心,十分之一都好大機會入圍!」至於吳業坤則透露傾盡「身家」搶Like:「我會攞啲珍藏漫畫出嚟玩,都有成百幾本o架!賣得好平嘅,都係二手價20蚊本,仲會附送免費任摸,但唔可以摸敏感位置喎,要呃Like唯有出呢招絕招!(有信心成為首十位最多Like藝人?)冇呀,因為我渣囉!」

高海寧「獨家」煲劇

昨日記者會上,一班小生花旦如馬國明、蕭正楠、黃浩然、蔡思貝、高海寧與劉佩玥等30多位藝員撐場。自認是「宅女」愛煲劇的高海寧,受訪時笑言日後擁有「myTV SUPER」機頂盒後便可盡情在家煲劇,問到會否相約緋聞男友鄧智偉一齊煲劇?她即面紅紅表示與對方只是傳緋聞:「緋聞嚟啫!(約佢煲劇?)人哋好忙,唔得閒同我煲,我專心自己煲。(你有約佢煲劇?)冇約!搞到人面都紅埋!(同鄧智偉表現咁曖昧?)邊有曖昧!做嘢先。(未揀定男友?)睇定啲先,我通常冇咩緋聞,唔想緋聞關係咁『茂盛』,畀啲空間我。」高海寧其後受訪時講到電視大戰,她笑言對公司有信心:「TVB喺香港同海外都係好強大嘅平台,多年嚟表現好穩定,自己最鍾意煲劇,畀錢都會裝。」

文:影視組

第一手消息請下載on.cc東網iPhone/iPad/Android/