秘賀男友生日湯怡穿煲(火羅)爆

圈中情侶湯怡與洪卓立昨日分別出席慈善活動，湯怡爆料指日前為即將生日的男友提早慶生，卻慘被識破：「我朋友拎蛋糕上嚟，結果佢走去開門，我緊張到面都紅晒，最後畀佢識破咗，我拎蛋糕出嚟嗰陣佢仲去熄燈！」洪卓立於另一活動上則透露踢爆女友實屬情非得已：「冇辦法，佢塊面紅到飲醉酒咁，知唔對路，咁我咪去熄燈囉！」生日正日不需要工作的他希望與女友玩煮飯仔慶祝，又協議不送禮物，寧願慳錢來吃大餐。另外，與湯怡一同出席活動還有陳家樂，他自爆日前因穿背心跑步，吹到冷親而病倒發燒。