羅嘉良中1億上繳老婆

六合彩1億金多寶花落誰家將於明日揭盅，圈中廿四孝老公羅嘉良表示如中了1億，將全數贈予老婆：「成筆獎金畀晒老婆，佢守財好叻。」他笑言會將錢儲起來，因覺得1億已是大數目，屆時毋須再花心機投資搵錢。問到可有心水號碼？他表示隨心隨意：「要中就中喇！」另一人夫范振鋒則表明會重錘出擊：「同公司五十幾位同事夾，每人五百，全部買電腦飛。」他透露相士批過沒有偏財運，最適宜與朋友夾份沾旺氣：「上次都係夾份買，結果一百蚊博到幾千蚊。」堪輿學家陳子才曾指屬虎的人旺財，搞到「啤梨」葉文輝也揚言博一鋪，「落重本」三百蚊買電腦飛：「中咗就將部分錢撥畀啤梨義工團做經費，剩低留嚟結婚用。」