區瑞強5月開個唱 保育靚歌

擔任顧嘉煇慈善騷嘉賓的區瑞強（Albert），在台上讚他的金曲夠貼地，又笑言一直飲煇哥的奶大！受訪時，Albert透露將於5月底假伊館開騷：「我每年都開！連續咗四、五年，同啲歌迷見面之餘，仲會每一場都有啲受惠嘅機構，有兩個係幫助弱智兒童嘅機構，有個係去甘肅開發水源嘅，仲有個就係我嘅音樂農莊基金。」他表示個唱主題是「我們一起唱大」，因七、八十年代的歌曲仍教大家回味，自己無論做電台或錄唱片都會推廣這些歌曲，還稱之為「靚歌保育」:「人哋會畀錢維修建築物，我就會以唔同嘅方法演繹啲歌，好似唱啦、播啦同重新編排，但最重要係呢啲歌同煇哥嘅歌一樣，一唱就可以維繫人心。」而副題則是「五十五十」，意思是會從五十年來的歌曲中選唱50首歌：「可能唔只50首歌，我擔保起碼唱50首，中、英文都會有！」