郭慶彬睇騷險失財物

形象設計師郭慶彬（Ricky Kwok）於米蘭時間24日及25日出席當地舉行Gucci及Max Mara 2016秋冬時裝騷，他透露由於場外人太多，差點被偷去財物，他說：「睇騷時人逼人，我發現有人喺我身上掂我、摸我，望一望發現個袋畀人開咗一半，手機同銀包都畀人拉咗一半出嚟！當時有四至五人喺我周圍，喺我發現嘅時候隻手已經縮開咗。」他坦言今次是不幸中之大幸，呼籲大家到外地旅行時要小心財物。
郭慶彬睇騷時險被人偷去財物，幸發覺得早未致損失。
郭慶彬睇騷時險被人偷去財物，幸發覺得早未致損失。

談到當中的Gucci騷，他坦言很喜歡去年上任的設計師Alessandro Michele的作品，他說：「設計同顏色同以往好唔同，用咗好多reborn嘅顏色，粉紅撞粉藍好新鮮！」他大讚今季作品古着與現代混合，呈現時空大交錯。Ricky還指時裝騷配合音樂元素炮製，似足五、六十年代的rave party一樣：「除咗服裝視覺效果，配合現場特別螢幕投射，好似真係去咗party咁，玩味十足！」

郭慶彬以一身型格打扮睇Gucci騷。
  • 郭慶彬以一身型格打扮睇Gucci騷。