呂慧儀昨到電台宣傳，講到情人節當天正是兒子「蟹子」的歲半生日，愛仔深切的她笑言：「我唔記得嗰日係情人節，個心都去晒個仔度，老公買咗花畀我，依家情人節都唔一定要禮物同玫瑰花，全部都好實際，都好慶幸老公仲會氹吓我。」慧儀又講到囝囝早前要面試學前班，已經有學校取錄，並希望兒子的校園生活開心。
