嘉欣啪10支針趕出院嫁張振朗

龔嘉欣在劇中與張振朗拉埋天窗。

病足一星期

嘉欣前日因發燒入院，昨趕出院拍煞科戲，她說：「病咗一個禮拜，醫生話我太攰，打咗十支針，抗生素、消炎、仲吊咗兩包鹽水，同醫生講要趕返嚟拍婚宴戲，依家退咗燒，七年嚟只係今朝（昨早）冧咗半日廠。」蔣家旻則指心情複雜，劇集一拍四年，感覺觀眾看着她成長，近期收到劇本也想喊。

劉丹甜爺爺

劉丹與郭少芸齊受訪，問郭少芸拍攝時有否難忘事？她笑說：「最難忘係丹爺孫女出世，嗰排佢春風滿面，個口好似流出蜜糖，戲中孫女蔣家旻即刻變A貨。」

幾位演員拍攝時玩自拍。	郭少芸指劉丹孫女出生時，劉丹日日春風滿面。	蔣家旻與李豪亦在結局結婚。

黃翠如最初擔心沒機會參與煞科戲，雖然沒拍《愛》一段時間，但也經常在家捧場，她說：「之前拍咗場歌舞戲，未見過咁多戲員一齊拍，場面好震撼，好開心，感受到屋企人感覺。」

文：影視組