丁悅唔敢求姻緣

歌手丁悅去年開始已派開工利是，她笑言趁仲有資格逗利是，會努力逗完幫補番！至於之前吃賀年糕點都未見阿丁身形有變？阿丁坦言：「上年新年之後，真係肥咗唔少，食到蘿蔔咁身形，今年真係唔可以再係咁喪食。」講到新一年，她可祈求桃花運大增？阿丁笑言：「呢個畀公司知道唔得掂！（公司勒令唔准拍拖？）咁又冇，但相信冇老闆會鍾意員工掛住拍拖分心，其實自出道後都冇拍拖啦！（好Dry？）唔緊要，我仲好細個，姻緣嘅嘢唔會特登去求，反而犯太歲就會去拜神，祈求新一年順利平安。」