黃德斌買電單車要問過女友

黃德斌自小已經夢想駕駛電單車飛馳，到最近為方便拍劇才考牌，他在無綫劇《鐵馬戰車》飾演交通警，劇中大部分電單車戲都由黃德斌親身上陣，他說：「想揸電單車好多年，但知道屋企人唔畀，因為爸爸年輕時做警察試過炒車，媽咪一路都好擔心，自己後生又好野性，一上車實揸得好快，所以冇去考牌。去到之前拍《愛．回家》先的起心肝順理成章去考牌，有得揸電車都好開心。」拍攝《鐵馬戰車》後，黃德斌揚言勾起電單車癮，也希望買電單車，但能否如願要先過女友一關，他說：「都要同女友、屋企人商量吓先，始終揸電單車都係危險。」