古天樂嘆約朋友旅行難過登天
型男古天樂昨日出席信用卡活動時，被主持楊洛婷問如何過白色情人節？古仔即笑指楊洛婷已結了婚。他接受記者訪問時說：「同家人去旅行多，白色情人節去嚟都無謂。（怕觸景傷情？）唔係。今年情人節同元宵我都o係巴西飛機度過，人生未試過。」他透露已拍完《使徒行者》的巴西戲份，在港仍有兩至三星期要拍。
古仔又稱希望去日本看櫻花，但要早半年前計劃，坦言工作時間難遷就：「已經有五至六年冇同朋友去東南亞旅行，朋友食飯都要早兩、三星期約我。（屋企人都要約？）係我約佢哋，安排好我o的時間先。」他又坦言從未被家人催婚：「知我多嘢做，冇時間訓覺。」再問會否好似鍾嘉欣閃婚？他謂：「我私人感情唔答，唔會導致有呢o的問題出現。（結咗都唔講？）私人嘢唔講。」