鍾舒漫被母催婚
歌手鍾舒漫（Sherman）昨日出席活動，自爆新年與家人拜年被催婚：「媽咪會想，佢都會開始講吓，想我拍拖，我就同佢講依啲嘢冇得急要慢慢嚟，放心喎你個女唔會冇人要o架。」
講到同是教友的鍾嘉欣突然宣布閃婚，Sherman表示自己未必會閃婚，暫時亦未有適合的對象：「我都唔排除有啲人閃婚係好事，我自己就未必會有依個情況，但對於未知嘅未來我係抱有希望。」談到嘉欣被傳奉子成婚，可有觸犯「教條」之嫌？她直言不清楚嘉欣的情況，但會祝賀對方：「去到依個階段，人哋咁開心，係應該祝福佢，佢哋自己最清楚，應該畀啲空間佢哋。」