肚脹王菀之唔急生猴B

歌手王菀之今年農曆新年首次以太太身份派利是，昨日她出席活動時說：「派利是好開心，覺得好幸福，同老公一齊封利是好開心。今個新年我煮咗好多嘢食，最勁係煮花膠蠔豉炆冬菇，自己都鍾意煮嘢食，喺網上學，老公話好食。」她又冧爆讚老公說：「好感激年初一佢係去咗我屋企先，佢話費事我爹哋媽咪等，我覺得佢好尊重我，所以我都要學做好太太，奶奶整咗好多嘢畀我食。（食到你肥咗？）過肥年係好嘅，依家要投入工作，要做運動。」