趙碩之圓夢咀七次見暈

鄧特希新劇《隱世者們》前晚到舊啟德機場的《東華慈善嘉年華》中取景，拍攝吳啟華和趙碩之一場拍拖戲份，揀選這個遊樂場作為外景場地，源於演「再造人」的碩之沒有了童年回憶，唯一記得是其父帶她去睇馬戲團，故戲中與碩之有一段情的啟華，特別帶碩之去睇馬戲一償其心願。

吳啟華氹女

除欣賞馬戲表演外，二人又玩攤位遊戲玩掟公仔，之後再去小食部買巨型棉花糖，啟華氹得碩之笑逐顏開，最後他倆更在旋轉木馬上浪漫熱吻，由於木馬正在旋轉，以及導演作多角度拍攝，故啟華和碩之在半小時內共咀了七次。

吳啟華與趙碩之前晚上演「情深七吻」。	趙碩之抱得熊仔歸當然盡興。	吳啟華手持巨型棉花糖，準備氹趙碩之。

緊張望靚仔

拍完後碩之受訪坦言，面對靚仔啟華大有暈眩之感：「覺得暈暈哋！可能轉住嚟拍！（可感緊張？）對住啟華嘛！我直情唔敢望佢個嘴，怕入咗戲呀！」至於啟華則氣定神閒，對拍咀戲甚有經驗的他稱：「的確拍唔少！（到遊樂場感浪漫？）個戲話碩之只記得爸爸帶佢睇馬戲，我咪帶佢嚟完成心願囉！可能我似佢阿爸！」

文：影視組