鍾嘉欣婚宴揭盅 報喜佗B
李亞男、苟芸慧、王君馨昨日出發到溫哥華出席鍾嘉欣婚宴，亞男「單拖一篋」豪坐頭等艙前往，反而苟姑娘及君馨各拖兩大篋「大陣仗」坐經濟艙飛加。據知嘉欣今次於高級私人會所Burnaby Riverway Clubhouse搞婚宴，席間更會向眾長輩親友宣布大肚喜訊。
藝人鍾嘉欣前日正式宣布脫離單身行列，更暗示懷B及已下嫁脊醫Jeremy做幸福少奶奶。嘉欣於本周六（溫哥華時間27日）設婚宴，而好姊妹岑麗香一早已飛往溫哥華協助嘉欣打點一齊，嘉欣亦為姊妹們準備姊妹裝，二人昨日更齊齊享受早餐，香香更於微博上載「早餐」照片，更留言謂「Bff Breakfast」（Best Friend Forever），相當甜心。
早卜定高級會所
據知嘉欣的婚宴雖然簡單，請的人不多，全是至親親友，更沒有特別發帖通知賓客，不過老公Jeremy是有頭有面的人，故有指他們會於當地一間高級私人會所Burnaby Riverway Clubhouse設宴，該會所離市中心半小時車程，而舉行婚宴期間新人會向現場的長輩及親友正式公布快將為人父母的喜訊。
昨午，亞男搭頭等機位出發，單拖的她行李不多，問老公王祖藍會否一同出席嘉欣婚宴時，她說：「佢要返工呀！都飛咗去米蘭，佢都好想去！」她將於溫哥華逗留兩周，為嘉欣做姊妹及順便探父母。不過問到嘉欣快為人母及是否於加拿大安胎？她都表示不清楚，要問番嘉欣本人。
王君馨做埋保鏢
而苟芸慧（苟姑娘）、王君馨齊齊坐夜機出發，各自拖兩大篋前往，相當大陣仗，不過她倆與「富貴妻」亞男就分別甚大，只坐經濟艙，苟姑娘表示參加完嘉欣婚禮後要到多倫多為無綫拍節目，故行李較多。問她帶甚麼過去給嘉欣作禮物時，她笑說：「帶個人同祝福去。（嘉欣有咗？）呢啲等佢自己講啦！我哋想佢幸福，都見過佢老公，一定對嘉欣好好。」說到現時只得她沒「着落」時，她即尷尬謂：「話唔定婚宴會遇到呢！不過緣分嘅嘢慢慢嚟！」而君馨坦言行李內有貴重物品：「有啲嘢幫嘉欣拎過去。（貴重首飾？）係一啲特別嘢，其實個婚宴都係低調進行，好多傳媒過咗去，所以今次要做埋保鏢。」
此外，嘉欣昨晚於無綫節目中表示與Jeremy在咖啡室認識，二人價值觀一致，又讚老公孝順，大家都很喜歡小朋友。
劉鳳屏叫快啲生
而嘉欣的歌唱老師劉鳳屏昨接受電台訪問，坦言早已知情，她說：「係上年聖誕，但我冇參加，都幾突然。」即將出席嘉欣婚宴的她祝對方早生貴子，嘉欣是否已懷孕？她說：「我唔估，我叫佢快啲生，佢同我講話好努力嘞！」說到有指嘉欣婚後將退出，她亦覺得嘉欣有意慢慢退下來：「佢都想轉吓，我後生都咁諗，佢有時都覺得工作辛苦，想relax吓！」
文：影視組