贏咗又如何？

張繼聰：畀我中咗嘅話，能夠食餐有汁嘅飯已經好開心，呢排操肌冇啖好食！我會攞三分一或三分二成立基金，但唔會公開講，其餘畀晒老婆，但一定唔會話畀個仔聽中咗1億，費事佢做富二代。

何浩文向Jeana晒命

何浩文：第一時間會同Jeana（何佩瑜）講等佢妒忌吓，但一蚊都唔會畀佢！（點用呢1億？）我會搞大自己任何生意或歌，試吓搞個香港大製作，擲1,000萬整一首歌連MV，香港好似未試過！然後攞5,000萬畀父母歎世界先，剩低嘅起碼捐2,000萬，成立基金幫啲基層。

雨僑反枱鬧爆仇家

雨僑：中咗就邊個都唔講，得我一個知！平時有啲我想鬧好耐嘅人，我就可以反枱：「去死啦你！我大把錢呀！」（點用呢1億？）買樓、買車、買鍾意嘅嘢、環遊世界……我好想開畫室，同埋買好多樂器練吓，即係買一啲藝術嘢，明知倒錢落海嗰種！

何浩文、Jeana

雨僑

士丹利街投注站最Lucky

想做億元幸運兒當然要做吓功課，睇定邊間中獎次數高的投注站落注！根據馬會網頁顯示，截至去年12月26日，售出「幸運彩票」中六合彩頭獎次數最多的幸運投注站是中環士丹利街投注站，中頭獎次數高達42次，其次荃灣青山道、屯門市廣場與上環干諾道西投注站中頭獎均有35次。