三太唔阻超蓮識朋友讚霍啟山有心
賭王何鴻燊三房女兒何超蓮與台灣歌手吳克羣分手後，身邊不乏追求者，盛傳霍震霆二公子霍啟山亦是其中一追求者。三太陳婉珍昨日出席活動，雖揚言超蓮現單身，但已開定綠燈，大讚啟山細心，見得出對啟山十分滿意。
三太陳婉珍昨日出席東華三院團拜活動，問到超蓮是否與霍啟山拍拖？三太否認說：「佢暫時未有拖拍，（催佢搵男友？）咁後生，識啲朋友先啦。」
啟山幫忙影相
三太又透露見過啟山，還大讚對方說：「有次廣東省政協開會離遠見過，OK o架，佢幫我影相仲send番畀我，幾有心。（超蓮條件好唔擔心？）唔係條件好，仲後生可以慢慢搵。（啟山係咪不錯？）不錯。」
養貓增添生氣
另外三太謂新年願望是身體健康、香港和諧。而昨日是元宵佳節，問到如何與賭王慶祝？她說：「今日唔係我，冇乜特別慶祝。（新年有冇出埠？）冇呀，留喺香港仲好，多啲新年氣氛。」問是否忙於照顧家中幾隻小貓？她高興地說：「係呀，好得意，好鍾意，屋企多啲聲氣，好似有小朋友咁。」
文：名人組