邵美琪前男友、動作影星施祖男，日前被讀者爆料指經常在家發出噪音，報料者指已有住客就聲音滋擾報警及通知管理處，記者就此事致電施祖男，他指自己已就近年受鄰居滋擾一事，到警署備案：「成件事我先係苦主，我有個鄰居年半前搬入嚟，經常發出刺耳噪音，我曾經同一位鄰居投訴，佢同我道歉，又話約我踩單車、飲嘢，我婉拒，之後繼續喺屋企製造嘈音，令我無覺好瞓！」記者就滋擾事件，到施祖男所住大廈管理處查詢，保安稱無聽過有人投訴施祖男製造譟音，亦無聽過其他同事提起。
