楊愛瑾年中嫁郭永淳忙到出煙

藝人楊愛瑾（Miki）與新鴻基發展（中國）董事馮秀炎小姐昨日元宵節現身觀塘apm商場出席「古董禮封喜帖婚嫁珍藏展」活動，Miki被問到是否已定好與未婚夫郭永淳的婚期？她透露：「會喺年中左右，遲啲會再同大家講。」有指她已派喜帖，她即澄清說：「未呀，有人話我派咩？（影到。）我知喇，假o架，係有封信封，但唔係帖，咁啱類似有張卡畀朋友。」提到好友鄧麗欣（Stephy）稱她不會在香港舉行婚禮，Miki即笑謂連自己也不知道：「我自己係諗住好簡單咁做，但估唔到咁多嘢要處理，我又冇請wedding planner，好彩有朋友同客戶搭膊頭話sponsor我，唔係就會好頭痛！」她又指在香港多親友，所以婚禮再簡單，亦要招待他們。

餅碎陪住出嫁

而Miki坦言婚照已影好，婚紗亦揀好，發現籌備婚禮比工作更忙碌，又謂曾向已婚的好姊妹吳雨霏詢問意見：「佢係過來人，佢好幫手，令我慳番好多時間。」據知她的婚紗由母親所送贈。問到屆時是否會找Stephy等餅碎成員擔任姊妹？她說：「佢哋當然係我姊妹，但婚禮就未決定會唔會有，因為我哋想簡單啲，都唔想involve太多人，嘥大家嘅時間。」

郭永淳	楊愛瑾、馮秀炎（左一及二）	忙於籌備婚禮的楊愛瑾，直言有搵好姊妹幫手！

情人下廚慶生

另外，情人節踏入31歲生日的Miki透露當日獲未婚夫為她親自下廚：「我有特權唔使郁，佢煎咗牛扒、意粉同整甜品，好好食！佢雖然少煮，但識o既，今次因為多嘢要整，所以佢有上網學，我都有幫少少手。」至於禮物？她坦言與對方講心不講金：「今年冇，我哋講心，結婚要使好多錢，要慳啲。同埋唔一定要過時過節送禮物，突然有啲surprise都好開心！」

文：音樂組