林峯戒口淨食鮑魚
林峯昨現身電台受訪，透露正為4月舉行的《HEART ATTACK LF LIVE IN HK 林峯演唱會》操肌，現時瘦了幾磅：「但未夠皮薄，希望餡靚，依家幾乎戒晒食穀物，一開始唔慣，好似血糖低，做gym都有少少暈。」他亦透露為戒口，新年沒有食蘿蔔糕，只能食鮑魚。
問現在是否只可望着女友吳千語食好嘢？林峯表示：「佢食晒仲好，依家都唔係好出去食飯，食生菜多。（會唔會減到瘦過佢？）冇可能，我一世都冇可能瘦過佢，就算擺我喺荒島一、兩個月都冇可能。（依家有幾多舊腹肌？）就係要皮薄先得，依家仲差啲。（想操到有人魚線？）都幾大壓力。」他亦表示跟女友各有各忙，故昨日元宵節未能慶祝。