歌手吳業坤在頒獎禮上一喊成名，喊到眼鏡起霧氣成為全城熱話，最近坤坤竟然脫下招牌黑框眼鏡，接拍隱形眼鏡廣告！坤坤在廣告中大玩瑜伽，但焦點落在坤坤的「真面目」。網民睇過廣告，讚坤坤夠「大隻」外，又指坤坤不戴眼鏡後，原來樣子都不錯！由於廣告中坤坤的對白是：「唔試過，都唔知原來自己可以做到。」有網友笑問他的潛台詞是否「唔試過戴CON，都唔知自己原來咁靚仔！」？