城城 千嬅 興奮偷師
舞台王者郭富城包下私人包廂與他的團隊欣賞娜姐演出，一身皮褸打扮的城城，被問到身為舞台王者的他，今晚將面對另一舞台王者（麥當娜），城城聞言即笑謂：「唔好咁講，我出道時都聽佢音樂成長，從中搵靈感畀自己嘅演唱會。」將於8月舉行個唱的他，揚言今次專程聯同跳舞老師一同為個唱取經，問到為何不帶女友睇騷？城城謂：「唔講呢啲。」城城進入包廂後，不時與友人合照。
而楊千嬅一身Casual打扮，笑言今晚做回楊小姐，尋回兒時的回憶：「因為佢係Queen嘛，同埋佢係陪住我成長，（會唔會喺佢度攞靈感？）之前自己個演唱會辛苦時，我都一直播佢啲歌嚟振奮自己，（但你學唔到佢性感！）係啊，我性感唔到咪練胸肌。（想同佢握手？）我一定要爭取行去聞佢腳嘅位置。」
而琦琦與任達華穿上花花T恤情侶裝率先到場，透露會住宿一晚，過兩人世界，問到點解囡囡唔一齊嚟，琦琦話因為個騷太多粗口，唔啱細路女睇。
