孫穎搵到全方位接班人
「鋼琴公主」孫穎與「鋼琴大師」劉詩昆昨日出席新春聚會，兩人還請來被二人視為「鋼琴公主」接班人、今年年僅9歲的王紫驕與其母親。
孫穎大讚驕驕多才多藝：「佢由4歲開始學彈琴，仲識跳芭蕾舞、畫畫、文學修養都好好，係全方位。（捧佢做鋼琴公主接班人？）佢好有公主氣質，公主名係實至名歸。（想有個咁叻嘅女？）好想，如果話畀我知，我生嘅女都係咁嘅，我即刻生。哈哈！」她又指驕驕的媽咪原任職銀行的行長，為了女兒而放棄高薪厚職全力栽培愛女，十分難得。而下月初，王紫驕將擔任劉詩昆在胡南演奏會的表演嘉賓。