諸葛嚴懲罸做唔停

名模兼娛樂公司老闆諸葛紫岐（Marie）及旗下藝人黃倩婷（Cindy）昨日雙雙現身中環四季酒店high tea，早前盛傳Marie因不滿Cindy秘婚，打算怒炒對方。期間兩人雞啄唔斷，Cindy更一度講到眼濕濕，未知是否為隱瞞結婚一事向Marie道歉。

講到眼濕濕

二人離開餐廳時，問Marie是否要踢Cindy出公司？Marie坦言得知Cindy結婚的消息時，實在不懂反應，但對方有致電給她解釋。Cindy續說：「我係衝動咗啲。因為相士話唔過年前結婚，就要隔好多年先結。我想同Marie講，但係又驚，最後都係心急結咗先。（你頭先講到眼濕濕喎！）因為Marie咁錫我，我好似呃咗佢咁。」問她會送甚麼大禮給Marie賠罪？她表示剛請了Marie high tea，並承諾以後會努力工作賠罪，Marie亦笑言要罰她不斷工作以示懲戒。

黃倩婷請high tea賠罪，諸葛即刻笑晒。

諸葛寬宏大量，對秘婚一事不作追究。

唔敢提生仔

Marie透露Cindy成為人妻後，工作有少許調動，但眼見很多藝人婚後亦相當受歡迎，故對Cindy有信心。她續說：「佢係我契妹，依家當多咗個契妹夫。」Marie追問：「你暫時唔會生BB住(口架)呵？」Cindy即雙手掩面，並尷尷尬尬地說：「唔敢答，應該唔會咁快。」

文：名人組