森美霧中滑雪老婆求救
DJ森美昨日出席「2016全城有機日」記者會，他表示農曆新年與家人到日本北海道滑雪，笑說在當地遇見的朋友比香港銅鑼灣要多：「撞到任賢齊、阿叻（陳百祥）同羅霖，啲人話梁朝偉都喺二世古，但我搵晒成個山都搵佢唔到，之後劉嘉玲喺香港出活動又話佢喺印度！」
滑雪期間森美自爆遇到驚險事件：「嗰日好大霧，老婆同我喺同一雪道上滑雪，但等唔到佢落山，結果我行返上山搵佢，離遠見到有人揮手，行到過去又唔見佢，原來佢揮手時係向旁人求救，之後就唔小心出咗條雪道，好彩冇受傷，之後就要佢跟住我。呢種危險運動，以後都唔敢帶屋企人去玩。」