陳慧琳狂捽財神腩
陳慧琳（Kelly）昨日以連身短裙出席「金龍醒獅賀新歲」活動，盡騷長腿，搞笑的她與財神爺合照時狂捽對方上身及肚，場面搞笑！問到新年願望是否追個女？Kelly說：「唔追，唔好搞喇，好辛苦。」並透露春節期間帶兩個寶貝仔四出拜年，Kelly說：「囝囝利是好豐厚，見人就講恭喜發財。」
下月將為電影開工的Kelly表示，新年食了很多，開始做運動keep fit：「套劇會喺外地拍一、兩個月，仔就交畀老公湊。」隨即踢爆老公劉建浩經常與兒子講道理，笑言她已聽到識背！
至於剛過去的情人節，Kelly說：「收到大仔寫嘅卡，之後一家人食飯。（老公冇表示？）有，送咗化妝品畀我，因為係我叫佢買。」